top of page

Skálavík 

Nýggja íbúðarverkætlanin í Skálavík sum tað í løtuni verður arbeitt við. Vit gleða okkum at bjóða fólki inn í íbúðirnar uml. 1. nov. 2024. Til ber at skriva seg upp til íbúðirnar undir leinkjuni:  "Leiguprísur og umsókn". Niðanfyri eru vegleiðandi myndir. 

Næstu Svanamerktu íbúðirnar í Føroyum

Undir Hagabrekku í Skálavík við góðum útsýni yvir Skálavík er bygningur við 10 íbúðum. Bygningurin hevur tilsamans 10 svanamerktar íbúðir, sum eru 96 fermetrar til støddar brutto - umframt bilskýli á 25m2, depot rúm á 7 m2 og terassu sum er uml. 16 m2. Nýggja heimið lýkur strangastu umhvørviskrøv við tað at tað er Svanamerkt.

 

Svanamerkið er almenna umhvørvisgóðkenningin í Norðurlondum, og krøvini eru tí serstakliga høg.

Strong krøv eru sett til lidna bygning, bæði hvat ið viðvíkur dagslýsi, ventilatión og hvussu bygningurin er tryggjaður móti fukti. Bæði byggitilfarið, spartl, máling, lím, lakk og oljur eru neyvt valdar. Tað sama er galdandi fyri rør, el-leiðingar, gólv og veggir, vindeygu, ventilatión og møblar í køki og baðirúmi. Stutt sagt skal alt tilfar - niður í minstu skrúvu - lúka norðurlendsku umhvørviskrøvini.

 

Fakta um Svanamerkta bygging

- Lága orkunýtslu, gott inniklima og fokus á burðardygd. Frá tilfari til bygging til endurnýtslu av tilfarinum langt frammi í tíðini.

- Alt tilfarið, sum er nýtt, lýkur høg krøv um umhvørvis- og heilsuskaðilig evni

- Allur viður er merktur við svanamerkinum, tí hann er úr burðardyggum skógum og er lógliga feldur.

- Uttanveltað kanning av byggitilgongdini og lidna bygninginum tryggjar, at øll krøv og allar mannagongdir eru fylgd. 

- Í einum heimi, har burðardygd er eitt modernað heiti, kann svanamerkið tryggja, at tað veruliga er satt, tí krøv og kanningar eru so strong.

- Felagið BM Byggeindustri í Danmark hevur sergrein í burðardyggari bygging. Tey halda øll krøv, sum Miljømærking Danmark setur, og fáa javnan eftirlitsvitjan, fyri at fáa viðurkenda svanamerkið á vørurnar.

 

Íbúðirnar

Íbúðirnar eru: 96 m2 í stødd umframt bilskýli á 25m2, depot rúm á 7 m2 og terassu sum er uml. 16 m2. Íbúðirnar eru gjørdar eftir nýggjastu byggjureglugerðini.

Allar íbúðirnar hava egna inngongd, depot rúm, fluguskáp, bilskýli og egna terassu. Eisini hava allar íbúðirnar ventilatiónsskipan, sum tryggjar góða inniluft, gólvhita og 3-lags rationel lágorkuvindeygu og troldtekt akustikloft. Led spottar eru wc og køki. Íbúðirnar hava gott dagsljós og ljóðviðurskifti umframt brunaalarm, sum er knýttur at elveitingini og battarí.

Køkur og stova: Allar íbúðirnar hava HTH køk við Siemens komfýri við kókiplátum, køliskapi v/frystiboks og uppvaskimaskinu. Øll baðirúm hava pláss til vaski- og turkimaskinu umframt turkistativ. Allar íbúðirnar hava rúmliga og nýtiliga terassu við flísum við góðum útsyni yvir bygdina.

Orkukeldan er ”boligventilationsvarmepumpe” frá Vølund sum er góðkend við grønum málara. T.v.s. at orkunýtslan verður sera lág.

Bygningurin hevur 2 rørsluvinarligar íbúðir.

Leigarin skal tekna egið hald hjá SEV. Eingin olja verður nýtt til upphiting.

 

Uttanumøkið

Allar íbúðirnar hava egið bilskýli, umframt hetta eru nøkur parkeringspláss til gestir.

Bygningurin verður klæddur við timbur, hevur rationel aurapluss vindeygu og flagtekju.

Burturkast: Hvør íbúð hevur egna skrellispann til húsarhaldsburturkast.

bottom of page